2008.11.17

呼～明天會番大陸數天工作.幾經辛苦向網上找到個較為可靠既時間表.希望唔會係老點!

其實abe一直以來工作係咩呢???

其實我們公司一直以來都幫香港某幾間既local brand做貨..有的更是出口日本批發既貨..

每次經過d 客既shop見佢掛起我地做既product..其實都幾開心架!

不過向maggie 成立自己cotton candy哩段其間…我們間oz 都密鑼緊鼓做緊自己既品牌

哩個品牌係我們自家design 一條專買女裝..其實眼見我們的客..或者一些local brand 將個價錢 mark up 得好高..我地好想成立自己既品牌以現時買俾客既價咁買俾街外人…

我們最講究既用料..唔會因為咁而用cheap 料, 我要打破平野無好野既定律!!

其實我們既品牌已經有好幾款已經ready好晒…但遲遲未出…

因為我們既主o麥仲製造緊..我唔想因為為左勁快推出產品而件衫係無左我們既品牌.

哩個品牌會係我們既衫既靈魂…因為我們都好喜歡pokadot

我會番大陸努力工作!!!

在我由大陸回來既時侯．pokadot 就會正式上架!

2008.11.16

昨日一定好懶訓…

well 好耐無試過訓醒有咁型既髮型..

見過我未立晒頭剛訓醒個樣未呀!!! (wakakakaka 我幾鐘意我哩個樣..成個白痴仔咁)

近排每日起身對眼都有triple 雙眼皮.好腫….

上網見到vanb 去左星林居食米線…雖然好累…但我叫左小姐陪我出去食..heeheee

不過星林居搞到成個彿壇咁….嚇死我.以為去錯左

味道依然正!

之后去左沙田行左陣……聖誕節要黎啦!

雖然好累.但今日天氣咁好…出去行一陣都好丫..

好耐無得食屋企飯啦!! ..今日又要出去食..再食味精野…我怕我會中味精毒

佢話係無味精既湯, 真係唔信!

唉..我決定我嫁之前會去學cooking….

因為我自己都慢慢覺得我煮既野太難食 @_@ 唔出去食點得丫.

2008.11.15

Congratulation!!! Cotton Candy Grand Opening

真係可以用萬眾期待去形容．

Cotton Candy 係哩位superwoman 既帶領下．好順利同好熱鬧下完成左Grand Opening既mission

最高峰既時間有無150人??????

Please support Cotton Candy!!!!!!!!!!!

荃灣荃新天地 136舖 (UNI QLO 則)

TEL : 29410250

我今日都唔記得做過D咩

仲有特別我哩位咁出色既小丑朋友abe．作友情價表演, thx so much!!

大家都好鐘意佢扭既波波!!

Abe 看過你既表現．我真係要封你做我偶像!!

Abe Kwok係一個professional 既 Magician and Clown!

如果大家有咩生日party, 大型function想找人表演..佢絕對係一位好出色既表演者

contact him : abe_kwok@hotmail.com

唉……我居然連一粒花都無……

最后只可以借cb 既汽球影左張相又還番俾佢…

各位散去后….我真係要cool down 下我自己..一個人坐左向角位tun 番正個人

臨走同superwoman 睇張相先~~~你好勁呀!

2008.11.13

 seeee 一早起身幾好天．咁早出左尖沙咀去左邊????

今朝一早去左九龍公園..同yandy n 亞力打羽毛球..yeahhhh!!!!

出左一身汗…沖埋涼食埋早餐大家各自回公司繼續工作

每次經過哩樹都會抬頭望望…………每次都勁有衝動上去睇下哩間係乜東東

做完運動充滿力量……大力be 又上身..仲一次過拎左十幾件大褸板去個客度…

多得cb 今日下午黎我公司幫我拎左幾件.去完個客度就同佢食個甜品

我食左fu 竹加湯丸..超正!! 不過….

回家后….個肚痛左好耐…勁攪肚痛..最后要食藥..唔通係碗糖水唔乾淨 ??

希望cb 你食果碗無事啦….講開食物不潔

鐘意食kfc 既朋友, 你地睇下哩個news..我都係人地send 過黎俾我睇..總之哩個news會令我唔想食佢地既野囉~~

http://leies.100webspace.net/news/allmag/view.php?mag=next&issue=975&site=11838451&src=1

2008.11.12

早幾日見cb 向as know as 買左對boots好靚..搞到我心思思….不過成千幾蚊一對鞋..我真係唔捨得啦!!  最后.我決定響maggie度買左對cowboy boots..初初覺得好短..怕難襯…

但著起又幾型..仲要as know as 一對可以買到佢5對..

shopping here : http://www.cottoncandykids.net/index.php?gOo=goods_details.dwt&goodsid=873&productname=

我決定cotton candy 開張當天著晒佢既產品以示支持!

….

……

……….

先頭坐巴士…岩岩坐正我隔離果位.咁岩得咁橋係我中二曾經暗戀既男同學@_@

我認得佢不過佢唔認得我啦!! 點解佢同讀書果陣係一樣既 ???!!!

不過最搞笑既係.佢一坐得好心急打電話俾佢女友..點解我會知..因為佢講得好骨痺..

唔記得佢勁叫 BB 定豬豬咁上下…內容係勁打情罵俏..聽到我毛管都樹起晒! 真係好想’dove’ 拳窩爆佢個頭!!

同學呀!同學呀!雖然你好愛你女朋友…但公眾地方就唔好咁大聲叫BB /豬豬..撞到熟人就唔係咁好啦! (好似我) 等我講俾d同學聽先…

2008.11.08

沒有較鬧鐘的星期日．由於昨晚睇電視睇到成2點幾……..起來已趕不到番祟拜>_<

今天天氣涼左好多.天空很美

下午小姐約左我.cb.db 去左apm 食晏短聚..

大家食食講講………十分寫意

面前路漫長..雖然我們不能為你解決你當前既憂慮..

但我們相信我們會給你無限量精神上既支持.只要你需要我們聆聽的時候..我們總在你附近

請開心迎接這天吧!  仲有當務之急..你係要快d 結識個男朋友 heeheee

2008.11.07

昨晚２點訓．今天一早回公司印 D野…就出發去citywalk lu

Yo…又見到如心廣場

自從去完澳洲之后．好鐘意影在路邊牆上既graffiti..香港既都唔錯架!

萬眾期待既cotton candy 開張啦!

哩樹老闆娘放左好多心機同精神向樹……….

今日我幫手做左1 DAY SALES………..我有幫手泵汽球

之不過我大力be出馬．太大力既關係狂泵大個球..可能汽球大得濟…D小朋友拎左一陣就’嘭’ 一聲爆左..個個O晒嘴..真係嚇鬼死佢地

勁踩十幾個鐘既我．散晒啦！到八點幾我已經要坐埋一面休息一下．

真係好佩服哩個super woman..踩左咁耐仲可以同hlc 發揮無盡既體力幫雜誌影相…..

可能就係你HLC哩個叉電機…heheeee

今日bb 好乖…成日都留向shop無摟計..

今日邊同hlc 玩邊幫手..仲勁強迫教佢講 “call me ab.a..b…..abe…” 最后fd 左..勁開心同住我做埋哩個樣．笑死我啦！

仲KISSKISS我goodbye..真係甜到死．

其實做童裝既sales 都幾好玩．因為有好多得意既bb出現..

但係企左咁多粒鐘雙腳勁累…做sales 真係唔易架!

Please support Cotton Candy!!!!!!!!!!!

荃灣荃新天地 136舖 (UNI QLO 則)

TEL : 29410250

2008.11.06 

唔識點形容哩種累..只知道對上一次有哩個感覺係搬office

今日大家都盡全力為明天cotton candy 開業作最后準備

唔記得一口氣點樣一個人揹左幾多個大袋．抬住幾多盒鞋仔行．

唔知幾時開始 我可以練到一個人可以拎起一箱有橙箱咁大既貨．抬一箱貨行樓梯可以細細聲講句 : 濕濕碎

點解要細細聲講…因為我唔想俾人知道我咁大力…我唔想我第屎男朋友知道我係大力be

呼~~~~~~~~~~~~最后我十一點9支持唔住…坐尾班車走人

走既時侯..maggie hill milk 仲作最后衝刺…加油加油!

不過今晚好搞笑出現abe vs abe 現象.hahahaaa

2008.11.05

今日一早去左cotton candy @citywalk 幫手

今日maggie訂既櫃呀木台呀椅子到左.

maggie 同我對於砌木台呀.椅子已經無難度架啦!

除左哩D…….maggie連痴招牌都係佢自己度位…勁SSSS

我唯有向樹偷師 

哩組字好勁呀!! 果個口水佬真係幾幫得手..

其實以前我邊識向5金店買吱膠既槍丫…自從搬左去SSP后我對樓下既5金店老闆fd左.好多5金野都係5金店老闆教我點用….

我唔係個個都兩脅插刀去幫手..但對住maggie不其然盡我能力幫到幾多得幾多.

無論精神上及體力上我都會全力support 你架！

2008.11.04

maggie 間Cotton Candy開店在即…佢忙到就黎發癲..所以我哩幾日都會幫下手

cool lala~~~~終於見到cotton candy banner

hlc 真係得意到爆..同milkmilk 2條友對住條banner 狂影白痴相..幾乎每個hlc 既樣都要合照

 cotton candy 入面既連身鏡自拍一流

HEHEHEEE…好開心呀！我有個扭波波狗仔

佢仲有男朋友架！

之后ｍａｇｇｉｅ約左0703 媽咪去唱ｋ．我又跟埋一齊去

好耐好耐無同ｍａｇｇｉｅ唱ｋ．今晚大家都玩得好開心．超ｈｉｇｈ

 仲有我未見過咁細既甜筒..我要表演……

 一口食甜筒..yeah!